Серби улсын нийслэл Белград хотод сонирхогчдын боксын насанд хүрэгчдийн ДАШТ өчигдөр эхэллээ. Тэмцээний нээлтийн ёслол өчигдөр болсон бөгөөд энэ үеэр сонирхогчдын боксын “Сөүл-1988” олимпын наадмын мөнгө, мэргэжлийн боксын домогт тамирчин Рой Левеста Жонс хип хоп дуугаар ая барив. Энэ нь ирсэн зочдод тун сонирхолтой байжээ. Рой Жонс бол мэргэжлийн боксын рингэнд алдаршсан нэрт тамирчин юм. Тэр боксоос гадна дуу болон жүжиглэх авьяастай нэгэн. 2001 онд анхны рэп цомгоо олны хүртээл болгож, 2003 онд "The Matrix Reloaded" кинонд ахмад Баллардын дүрд тоглосон билээ.
Б.Жаргал
