Узбекистаны нийслэл Ташкент хотод бодибилдинг фитнессийн ДАШТ болж байна. Энэ тэмцээнд циркийн уран нугараач Э.Лхагва-Очир алтан медаль хүртэв. Э.Лхагва-Очир нь Монголын циркийн тайзанд уран нугаралтын үзүүлбэр үзүүлдэг гарын таван хуруунд багтах эрэгтэй нугараачдын нэг. Тэрбээр 1998 онд анх Ардын жүжигчин Т.Цэнд-Аюушид шавь орсон гэдэг. Түүний уран нугаралтын төрөлд үзүүлсэн амжилт гэвэл 2004 онд Монте Карло олон улсын циркийн тэмцээний хүрэл, 2012 онд болсон олон улсын циркийн тэмцээнээс алт, 2013 онд Итали улсад болсон Голден циркус фестивальд мөнгөн цом хүртсэн нэгэн. Харин өнгөрсөн жилээс түүний бодибилдингийн спортод үзүүлсэн амжилт илт ахиж байгаа.

Б.Жаргал