Гавьяат тамирчин Ц.Шаравжамцын отгон хүү Ш.Энхийн-Одын сагсан бөмбөг дэх замнал нь тун өсөлттэй яваа. Ц.Энхийн-Одыг манай хүүхэд, залуус ааваас нь илүү мэддэг гэвэл дэгсдүүлсэн болохгүй болов уу. Тэрбээр эх орондоо болсон сагсан бөмбөгийн 3х3 төрөлд хэр чансаатай тамирчин болохоо харуулсан. Манай спорт сонирхогчид бүгд мэднэ дээ. Тэрбээр өнөөдөр алдарт “Dayton” их сургуулийн багаас албан ёсоор тоглох урилга хүлээн авчээ. Энэ мөчөөс эхлэн түүний спортын амжилт үсрэнгүй дэвшинэ гэж харж байна. Ц.Энхийн-Одыг аавынхаа шийрийг хатаах сагсчин болно гэж олон хүн харж суудаг. Тэр ерөөл биелэх биз. Түүний аав Ц.Шаравжамц бол алдарт “Harlem Globetrotters” шоу багт “Монгол” гэсэн нэрийг дэлхий даяар цуурайтуулсан эрхэм юм.