Хүзүү хөшиж, хуян шар ус хөөрнө гэдэг нь хүзүү сэрвээ, нурууны булчингийн чангарлын илрэл юм. Булчингийн чангарлын шалтгаан нь голдуу бидний ажил амьдралын буруу дадал хэвшил байдаг. Тиймээс тохирсон эмчилгээнээс гадна ажил амьдралынхаа буруу дадал хэвшлийг засах нь булчингийн чангархаас  сэргийлнэ.

1. Стресс тайлах: Буруу байрлал, стресс болон хөдөлгөөний дутагдал бусад хүчин зүйлсээс болж хүзүүний булчин чангарч болно. Сунгалтын дасгал нь булчинг суллаж, булчингийн чангаралыг арилгахад тусалдаг бөгөөд ингэснээр өвдөлт, таагүй мэдрэмжийг бууруулдаг.

2. Цусны эргэлтийг сайжруулах: Хүзүүний булчинг суллаж тайвшруулснаар цусны урсгалыг нэмэгдүүлж, эд эсийг сэргээж, хорыг гадагшлуулан хүний эрүүл мэндэд бүхэлд нь эерэг ашиг тус үзүүлдэг.

3. Толгойн өвдөлтийг багасгах: Хүзүүний булчин чангарал нь толгой өвдөх, мигрень үүсгэдэг. Хүзүүний булчин суллах нь энэ хурцадмал байдлыг намдааж, толгой өвдөх давтамж, эрчмийг бууруулдаг.

4. Амралтыг сайжруулах: Булчин сулласнаар бие махбодийн болон сэтгэцийн эрүүл мэндэд эерэгээр нөлөөлж, тайвшруулан, стрессийг бууруулдаг. Хүзүүний булчин чангарсан үед тайвширч, сайн унтаж чадахгүй байдаг.

5. Хөдөлгөөний далайцыг нэмэгдүүлнэ: Хүзүүний булчин чангарал нь таны хөдөлгөөний далайцыг хязгаарлаж, хөшихөд хүргэдэг. Хүзүүний булчин суллах дасгал тогтмол хийснээр хүзүүний булчингийн уян хатан байдал, хөдөлгөөнийг сайжруулж, хөшүүн байдлыг бууруулна.