2013 оны аравдугаар сард "Max Mall" их дэлгүүрийн хоёр давхрын гутлын лангуунаас "I Pad" маркийн гар утас "Galaxy S3" маркийн утас, "Билэг" их дэлгүүрээс "Samsung Galaxy S2" утас хоёр ширхэг, "S&I" дэлгүүрээс гар утас, бэлэн мөнгө зэргийг хулгайлсан байна. Түүнчлэн бусад томоохон дэлгүүрээс туулай арьсан гадуур хувцас хулгайлсан этгээдийг нөхөн илрүүлсэн аж. Найман удаагийн  үйлдэлтэй Уянга гэгч нь Чингэлтэй дүүргийн зургаадугаар хороонд амьдардаг юм байна.
Юутай ч хулгайн хэргийн талаар зарим зүйлсийг Цагдаагийн байгууллагын хэвлэл мэдээллийн төвийн байцаагч, цагдаагийн ахмад Ё.Лхагвасүрэнгээс тодруулахад "Хулгайн эд зүйлсийг мэдсээр байж авбал эрүүгийн хариуцлага хүлээлгэдэг. Эрүүгийн хариуцлага нь хөдөлмөрийн хөлсний доод хэмжээнээс хорих ял хүртэлх хэмжээтэй байдаг. Мөн хулгайн эд зүйлийг авсан бол түүнийг нь хурааж авдаг. Тиймээс худалдаж авсан иргэд эргээд хохирох магадлалтай" гэв.