Зөвшөөрлийн тухай хуульд нийцүүлэн Гэр бүл, хөдөлмөр, нийгмийн хамгааллын сайдын 2025 оны хоёрдугаар сарын 11-ний өдрийн А/38 дугаартай тушаалын дагуу дараах тушаалуудыг хүчингүй болгожээ. Үүнд:

Хөдөлмөр, нийгмийн хамгааллын сайдын 2022 оны 05 дугаар сарын 11-ний өдрийн А/88 дугаартай “Ажиллах хүч нийлүүлэх үйлчилгээ үзүүлэх аж ахуйн нэгж, байгууллагаад тавигдах шаардлага, бүртгэх журам батлах тухай тушаалыг хүчингүй болгов. Мөн Хөдөлмөр нийгмийн хамгааллын дэд сайдын 2023 оны 03 дугаар сарын 17-ны өдрийн А/26 дугаартай “үйлдвэрийн зориулалттай машин механизм, тоног төхөөрөмжид гэрчилгээ олгох хүсэлтийг цахимаар хүлээн авах, хянах, гэрчилгээ олгох журам батлах тухай" тушаал, сайдын 2023 оны 12 дугаар сарын 06-ны өдрийн А/173 дугаартай “Хөдөлмөрийн аюулгүй байдал, эрүүл ахуйн сургалт явуулах, шалгалт авах журам, хөтөлбөр шинэчлэн батлах тухай" тушаалыг тус тус хүчингүй болгожээ.