ЕБС-ийн хоёрдугаар улирлын хичээл өнөөдөр эхэлж байна. Үүнтэй холбогдуулан томуу, томуу төст өвчний халдвар нэмэгдэх эрсдэлтэй тул хүүхдүүдээ дулаан хувцаслаж, гар халдваргүйтгэх, ээлжийн амны хаалттай явуулах, амны хаалт зүүлгэж хэвшүүлэхийг ЭМЯ-аас зөвлөлөө. Амны хаалтыг тогтмол зүүх нь амьсгалын замын халдвар авах эрсдэлийг 75 хувь бууруулдаг байна. 

Түүнчлэн хүйтний эрч чангарч, танхимын сургалт эхэлснээр амьсгалын замын халдвар нэмэгддэг тул Эрүүл мэндийн яам, Боловсролын яамтай хамтран Ерөнхий боловсролын сургууль, Сургуулийн өмнөх боловсролын байгууллагад томуу, томуу төст өвчнөөс урьдчилан сэргийлэх чиг үүрэг бүхий ажлын хэсэг байгуулжээ.