Засгийн газрын ээлжит хуралдаан болж байна. Хуралдаанаар Төрийн болон орон нутгийн өмчит компанийн бүтээмж, ил тод байдал, засаглалыг сайжруулах тухай хуулийн төслийг хэлэлцэнэ. Мөн Газрын тос боловсруулах үйлдвэр барих төслийн нэмэлт санхүүжилтийн Зээлийн хэлэлцээрийн тухай, Нийслэл Улаанбаатар хотын агаар, орчны бохирдлыг бууруулах арга хэмжээний тухай хуулийн төсөл, Нийслэл Улаанбаатар хотын 2040 он хүртэлх хөгжлийн ерөнхий төлөвлөгөө батлах тухай” УИХ-ын тогтоолын төсөл, Төрийн өмчит компаниудын 2025 оны бизнес болон төсвийн төлөвлөгөө зэрэг 30 гаруй асуудлыг хэлэлцэх товтой байгаа аж.