Чуулганы нэгдсэн хуралдааны үеэр УИХ-ын гишүүн Ж.Ганбаатар үг хэллээ.

Тэрбээр "Засгийн газар орлогоо гүйцээх тал дээр анхаараарай. 34 их наяд шүү. Эдийн засгийн яам, Сангийн яам, Ж.Ганбат гээд бүгд орлого талаа яаж гүйцээх вэ гэдэгт анхаарах хэрэгтэй. Би бол гишүүн болсноосоо хойш зарлага дээр үг хэлээгүй. 34 их наядаа л олох асуудал байна. Санал гаргаад явж байтал тодотгоно гээд зарлага нь хасагдаад явчихдаг шүү. Маргалдаад л, бичиг сачиг болоод байдаг юм. Өнгөрсөн онд түүхэндээ анх удаа орлого нь зарлагаасаа давсан. Орлогоо давуулахад анхаарч, уул уурхайн бүтээгдэхүүнийг төлөвлөсөн хэмжээнд нь зөв экспортлох вэ, яаж ААН-үүдийнхээ татвар төлөх сонирхлыг нэмэгдүүлэх вэ зэргийг Засгийн газар сайн төлөвлөх хэрэгтэй. Нийгмийн талын асуудлыг бид орлого олж байж л шийдвэрлэнэ шүү дээ. Төсөв хэлэлцэх үеэр харж байхад орлого гүйцээх тал нь үнэхээр сул байгаа нь мэдэгдсэн. Асуухаар 70 гаргасан юм чинь 80 гаргаж л таараа гэсэн янзтай. Ийм байвал, уучлаарай. Дөнгөж он эхлүүт төсвөө тодотгоно гээд л баахан зардал.  Олон хүний хөдөлмөр үнэгүйцнэ шүү. Орлого тал дээр би тусалъя, зэс болон нүүрсээ биржээр зараач" гэлээ.