УИХ-ын чуулганы нэгдсэн хуралдаан үргэлжилж байна. Энэ үеэр Шадар сайд Т.Доржханд байр сууриа илэрхийллээ. 

Тэрбээр "Эрчим хүчний яам бол салбаын ажлаа хийж байна. Гэтэл 2030 он гэхэд ногоон шилжилт хийе гэсэн зорилт тавьсан. 2040, 2050 онд цэвэр эрчим хүчний эх үүсвэртэй болно гээд баталчихсан. Ийшээ шилжихийн тулд Үндэсний хороо ажиллаж байгаа юм.

Ногоон шилжилтийг хийхэд оролцох хөрөнгө оруулагчид стандарт хүсэж байгаа.  Эрчим хүчний яамны урдуур ороод салбарын ажилтай ноцолдоод байгаа зүйл огт байхгүй шүү. Өнөөдөр бид тоггүй байгаа биз дээ.

Өчигдөр тогны хязгаарлалтад орчихсон. Чойжилсүрэн сайдын үнэнээ хэлээд явж байгаа нь бодит байдал шүү дээ. Энэ хүн ажлаа хийж чадахгүй болохоор энэ хүн хийгээд байсан гэсэн зүйл биш шүү. Чойжоо сайд бол бодитой, сайн ажил хийж байгаа. Харин эрчим хүчний реформ олон улсын стандартаар явна. Дотоод гадаадын зөвлөх үйлчилгээ ч хэрэгтэй. Эрчим хүчний яам дээр тийм хүний нөөц байхгүй, Сангийн яам дээр ч дутагдалтай байдаг юм. Засгийн газрын хувьд давхардал, үл ойлголцолгүйгээр хийж байгаа, салбар дундын зохицуулалтыг хийж байгаа шилжилт юм шүү" гэлээ.