Энэ оны сонгуулиар 126 гишүүнтэй шинэ парламенттай болсон. Үүний ард МАН АН болон ХҮН намтай "Хамтарсан Засгийн газар" байгуулсан билээ. Улмаар Засгийн газар 2024-2028 үйл ажиллагааны мөрийн хөтөлбөрөө УИХ-д өргөн барьсан юм. Монгол Улсын хөгжлийг түргэтгэх 14 мега төсөл бол Засгийн газрын алсын хараа юм. Төсөв тэлсэн нь эдгээр төслийг хөдөлгөхөд түлхүү анхаарч буйтай ч холбоотой. Иймд Монгол Улсын 2025 оны төсвийн төслийг УИХ-ын чуулганаар хэлэлцэн баталчихаад буй энэ цаг дор Засгийн газрын 14 мега төслийг танилцуулж байна. Цаашид төслийг тухай бүрээр нь дэлгэрэнгүй бичиж, цувралаар хүргэх болно. 

1. “Гашуунсухайт-Ганцмод”, “Ханги-Мандал”, “Шивээхүрэн-Сэхээ” хилийн боомтуудын хил дамнасан холболтын төмөр замын төсөл
2. Тавантолгойн дулааны цахилгаан станцын төсөл
3. Эрдэнэбүрэнгийн усан цахилгаан станцын төсөл
4. Эгийн голын усан цахилгаан станцын төсөл
5. Сэргээгдэх эрчим хүч ба тархмал эх үүсвэрийг хөгжүүлэх төсөл
6. Хэрлэн-Тоонот, Орхон-Онги ус дамжуулах хоолойн төсөл
7. Эрээнцав-Чойбалсан-Бичигт чиглэлийн босоо тэнхлэгийн төмөр замын төсөл
8. Монгол, Францын хамтарсан Ураны төсөл
9. Нүүрс-хими, Кокс-химийн цогцолборын төсөл
10. Зэс боловсруулах цогцолборын төсөл
11. Гангийн цогцолборын төсөл
12. Газрын тос боловсруулах цогцолборын төсөл
13. Алт цэвэршүүлэх үйлдвэрийн төсөл
14. Үндэсний хиймэл дагуулын төсөл