Чөлөөт бөхийн 2024 оны Дэлхийн чансааны оноо олгох цуврал "Zagreb Open 2024" тэмцээнээр эхэлнэ. Тэмцээн нэгдүгээр сарын 10-14-ний өдрүүдэд Хорват Улсын нийслэл Загреб хотын "Dom Sportova" ордонд зохион байгуулагдах бөгөөд Жордан Бурроугс, Камран Гассемпур, Юи Сүсаки зэрэг олимп, Дэлхийн аваргууд оролцоно.

Харин манай улсаас 3 тамирчин өрсөлдөх бөгөөд эрэгтэйчүүдийн 61кг-ын жинд МУГТ Э.Бэхбаяр, эмэгтэйчүүдийн 50кг-ын жинд МУГТ Д.Отгонжаргал, 68кг-ын жинд ОУХМ Э.Дэлгэрмаа нар зодоглох юм.