Мэргэжлийн бокст 7-0 гэсэн амжилттай яваа МУГТ Э.Цэндбаатар ээлжит тулааныхаа товыг зарлалаа. Тодруулбал, ирэх сарын 16-нд АНУ-ын Нью-Йорк хотын “Сони Холл”-д Доминиканы боксчин Иохан Васкүйзтэй тулалдахаар болжээ.

Манай тамирчин хамгийн сүүлд өнгөрсөн дөрөвдүгээр сард яг энэ ордонд Мексикийн Валенсиа Меркадог буулган авч, замналыхаа долоо дахь ялалтыг авч байлаа. Найман үед илүүрхсэн манай тулаанч Э.Цэндбаатар “Broadway Boxing” холбооны 59кг жингийн аваргын бүсийг зүүж байсан юм. Тэрбээр долоон ялалтынхаа гурвыг нь хүнд цохилтоор буулган авч байжээ.