Германы нийслэл Берлин хотод марафон гүйлтийн дэлхий дээрх эхний зургаад багтах тэмцээн болоход Монголын тамирчин Ц.Бямбажав 2:12.41 цагийн амжилтаар 33 дугаар байр эзэллээ. Энэ нь 42 км замын турш 1 км зайг 3:08 минутад туулсан гэсэн үг. Ц.Бямбажав нь энэ зунаас Кени улсад бэлтгэл сургуулилтаа хангаж байгаа бөгөөд "Парис-2024" зуны олимпын наадамд оролцох бүрэн боломжтой гүйгч юм.