Мэргэжлийн сүмо бөхийн Аки башё 10 дахь өдрөө болж байна. Өнөөдөр намрын тэмцээнийг тэргүүлэгч Такаяасү, Атамифүжи (хоёул 8:1 даваатай) нар хоорондоо барилдахаар оноолт таарсан нь энэ өдрийн хамгийн оргил өрсөлдөөн болох юм.
Такаяасү бол дээд зиндаанд түрүүлж үзсэн, цагтаа озеки цолтой барилдаж явсан туршлага илүү бөх. Харин Атамифүжи дээд зиндаанд ес дэх өдөр хүртэл тэргүүлэгчийн эгнээнд анх удаа бичигдэж байна.
Харин монгол сүмочдын хувьд озеки Киришима Б.Лхагвасүрэн (6:3) давсан бол Хошёорюү С.Бямбасүрэн (3:6) уналаа. Б.Лхагвасүрэн дахин хоёр давахад цолоо хамгаалж үлдэх бол С.Бямбасүрэн дахин хоёр унавал ирэх башёд цолоо хамгаалах барилдаан хийнэ.
