“Катар-2023” хөлбөмбөгийн 23 хүртэлх насныхны Азийн цомын тэмцээний урьдчилсан шатны хэсгийн эхний тоглолт өчигдөр болж, Монгол-Саудын Арабын багууд өрсөлдлөө. ФИФА-гийн чансааны 54-т эрэмбэтэй Саудын Арабын баг эцсийн мөчид 3:1-ээр хожлоо. Тоглолтын эхний гурав дахь минутад Б.Цогтбаяр торгуулийн цохилтоос тэргүүллийг авчирсан ч туршлага илүү Саудын Арабын баг удаах хугацаанд гурван гоол оруулсанаар хожил авсан байна. Монголын баг маргааш 21:00 цагт Камбожийн багтай тоглоно.