Сэлэнгэ аймгийн Сайхан суманд “Хөтөлийн цемент шохой” ТӨХК-ийн 40 жилийн ойн баярт зориулсан үндэсний бөхийн барилдаан есдүгээр сарын 9-нд болно. Улс аймгийн цолтой 128 бөх хүч үзэх энэ барилдаанд түрүүлсэн бөх 10, үзүүрлэбэл таван сая төгрөгөөр шагнаж урамшуулах юм.

ХХ зууны их бүтээн байгуулалт “Хөтөлийн цемент шохой” цогцолбоыг барихаар анхны геолог байгуулын ажлыг тэртээ 1963 онд хийж, 1975 онд нөөцийг тогтоож байжээ.

Их бүтээн байгуулалтын ажилд гар бие оролцохоор илгээлтээр ирсэн Зөвлөлт, Монголын залуус Хөтөлийн үйлдвэрийн анхны суурийг 1982 оны зургадугаар сард тавьж байсан бол 1983 оны арвандугаар сарын 22-нд шохойн I зуухаа галлан анхны бүтээгдэхүүнээ үйлдвэрлэж, өдгөө 40 дэх жилдээ тасралтгүй үйл ажиллагаагаа явуулж байна.