Хорватын нийслэл Загреб хотод жүдо бөхийн өсвөр үеийнхний дэлхийн аварга шалгаруулах тэмцээн наймдугаар сарын 23-26-ны өдрүүдэд болж байна. Дэлхийн аваргад манай улсаас охид, хөвгүүдийн тус бүр 10, нийт 20 тамирчин оролцож буйгаас охидын 44 кг-ын жинд Т.Отгонжаргал мөнгөн медаль хүртлээ.

Тэр долоо хоногийн өмнө Зүүн Азийн залуучуудын наадамд түрүүлсэн юм. Хөдөлмөрийн баатар, гавьяат тамирчин Х.Цагаанбаатарын шавь Т.Отгонжаргал нь Хөвсгөл аймгийн Цагааннуур суманд төрсөн дархад охин.