Испанийн Валенсиа хотод уран сайхны гимнастикийн насанд хүрэгчдийн дэлхийн аварга шалгаруулах тэмцээн энэ сарын 23-27-ны өдрүүдэд болж байна. 40 дэх удаагийн тэмцээнд манай улсаас дасгалжуулагч М.Булганы удирдлага дор Х.Ундрам оролцох юм. Тэр зургадугаар сард болсон ази тивийн аварга шалгаруулах тэмцээнээс ДАШТ-д оролцох эрхээ авсан бөгөөд үүнээс хойш Азербайжан улсад бэлтгэл сургуулилтаа хангаж байжээ.