Монголын уулын дугуйчид олон улсын тэмцээнээс хүрэл медальтай ирлээ. Найман орны 170 тамирчин оролцсон "Eastern Epic" тэмцээнд нийлбэр дүнгээр гуравдугаар байрт орсон бөгөөд нэг, хоёрдугаар байрыг БНХАУ-ын баг эзэлжээ. Тэмцээнд баг тамирчид хосоор уралдсан ба 85 хос дугуйчид өрсөлдсөн юм. Манай улсын дугуйчид прологт түрүүлж, хоёр ба гуравдугаар этапад гуравт, дөрөвдүгээр этапад түрүүлсэнээр нийлбэр дүнгээр хүрэл медаль хүртжээ.