Увс аймгийн Ховд сумын Халиун багийн түүхт 90 жилийн ойд зориулсан хүчит 64 бөх барилдлаа. Энэ барилдаанд Увс аймгийн Ховд сумын харьяат, аймгийн арслан Л.Энхсаруул түрүүлж, сумын заан Х.Галхүү үзүүрлэв. Харин их шөвөгт аймгийн арслан Д.Цэнд-Аюуш, цэргийн начин Г.Эрдэнэтогтох нар шалгарлаа. Түрүү бөх Л.Энхсаруул нь 2011 онд сумын заан, 2015 онд аймгийн начин, 2022 онд аймгийн арслан цол хүртсэн бөх юм.