АХ-ын 102 жилийн ойн хүчит бөхийн барилдаанд "Улсын начин" цол хүртсэн Увс аймгийн Өндөрхангай сумын харьяат "Хилчин" СХ, ЦДҮС ТӨХК, "Язгууртны Зам" ХХК-ийн бөх Дамдингийн Тогтохжаргалын цолны мялаалга наадам өчигдөр буюу /2023.08.18/ Өндөрхангай суманд боллоо.

Тус наадамд улс, аймгийн алдар цолтой хүчит 64 бөх барилдаж, Увс аймгийн Хяргас сумын харьяат аймгийн хурц арслан Ц.Мөнхбаяр түрүүлж, Баянхонгор аймгийн Баянбулаг сумын харьяат улсын харцага Н.Золбоо үзүүрлэлээ.