Ардын хувьсгалын 102 жил, Үндэсний их баяр наадмаар тав давж улсын начин цол хүртсэн Дамдины Тогтохжаргалын цолны мялаалга наадам энэ сарын 18-нд болно. Увс аймгийн Өндөрхангай суманд болох тус наадамд хурдан морь, хүчит 64 бөхийн барилдаан зохион байгуулагдана. Улсын начин Д.Тогтохжаргал нь 2007 онд сумын заан, 2012 онд аймгийн харцага, 2016 онд аймгийн арслан цол хүртэж, өнөө жил улсын аварга С.Мөнхбатаар тав давж, улсын начин цол хүртсэн бөх юм.