Говь-Алтай аймгийн түүхт 100 жилийн ойн баяр наадам өнөөдөр эхэлж байна. Баяр наадмын бөхийн барилдаанд зодоглохоор хүрэлцэн ирсэн улсын арслан Р.Пүрэвдагвын сэтгэгдлийг хүргэе.

Р.Пүрэвдагва арслан хэлэхдээ “Хур бороо дагуулаад ирлээ. Говь-Алтай аймгийн 100 жилийн ойн наадамд зодоглохоор Ардын төрийн наадмын түрүү бөх, дүү арслантайгаа шинээр харцага болсон С.Сүхбат дүүгээ дагуулаад ирлээ. Бэлтгэл сургуулилт сайн байгаа. Нийт Говь-Алтайчууддаа баяр наадмын мэнд хүргэе" гэв.

Арслан Р.Пүрэвдагва өнөө жилийн Улсын баяр наадмын гурвын даваанд Хэнтий аймгийн арслан Н.Баяржаргалд унасан бол Архангай аймгийн түүхт 100 жилийн ойд их шөвөгт шалгарсан юм. 

А.Болд