FIBA3X3 сагсанбөмбөгийн Монголын эрэгтэй багийн тоглогч Э.Дөлгөөн гэмтлийн улмаас сүүлийн тэмцээнүүдэд оролцож чадаагүй билээ. Тэгвэл одоо түүний гэмтэл бүрэн эдгэрч FIBA3X3 энэ улирлын эхний тэмцээндээ оролцож байна.

Тэрбээр "FIBA 3X3 Edmonton World Masters 2023" тэмцээний хэсгийн хоёр тоглолтдоо нийлээд 14 оноо, 8 самбар авч нэг онооны шидэлтийг 89 хувь, хоёр онооны шидэлтийг 50 хувийн гүйцэтгэлтэй шидэж байна.

Түүний тоглож буй Улаанбаатар ММС Энержи баг нь хэсгийн хоёр тоглолтдоо хожил авч "D" хэсгийг тэргүүлжээ. Хасагдах шатанд тэд АНУ-ын Принстон багийн эсрэг тоглоно. Хоёр багийн тоглолт долдугаар сарын 30 буюу маргааш өглөө 06:50 цагт эхлэх юм.

Эх сурвалж: Монголын 3х3 сагсанбөмбөгийн холбоо