Тулгар Төрийн 2232 жил, Их Монгол Улс байгуулагдсаны 817 жил, Үндэсний Эрх Чөлөө Тусгаар тогтнолоо сэргээн мандуулсаны 112 жил, Ардын Хувьсгалын 102 жилийн ой, Хан Хэнтий аймаг үүсэн байгуулагдсаны түүхт 100 жилийн ойн баяр наадмын дөрвийн даваа яг одоо үргэлжилж байна. 

Тус барилдаанд Улсын аварга П.Бүрэнтөгс, О.Хангай, гарди Ө.Бат-Орших, Ц.Бямба-Отгон нараар манлайлуулсан хүчит 256 бөх барилдаж байна. Тэгвэл тус барилдааны гурвын даваанд өнөө жилийн Улсын баяр наадамд найм давж үзүүр булаасан Өвөрхангай аймгийн Төгрөг сумын харьяат бөх Улсын шинэ гарди Ц.Бямба-Отгон луйвардуулав. 

Тодруулбал, гурвын даваанд тэрбээр Хэнтий аймгийн Бор-Өндөр сумын заан Р.Алтаннаранг амласан. Улмаар Р.Алтаннаран түүний эсрэг шийдсэн мэх хийсэн ч тохой нь түрүүлж хүрсэн байгаа нь удаашруулсан бичлэгт "илт" үлджээ. Гэтэл зохион байгуулагчид Ц.Бямба-Отгоныг унасанд тооцож, сумын зааныг давуулав.

Ингэснээр Хэнтий аймаг түүхт 100 жилийнхээ ойгоор нутгийнхаа бөхийг давуулж, залуу гардийн урмыг хугалж, шинэ цолыг нь гутаав. Харин дөрвийн даваанд Улсын аварга П.Бүрэнтөгс гардийг давсанд тооцогдсон сумын заан Р.Алтаннаранг хаяв. 

Л.Сайнаа