Завхан аймгийн түүхт 100 жилийн ойн баяр наадмын гурвын даваа болж байна. Тус наадмын зүүний магнай улсын аварга Г.Эрхэмбаяр энэ даваанд аймгийн арслан Д.Батжаргалыг амлан өвдөг шороодов. Аваргыг давсан аймгийн арслан Д.Батжаргал нь 2001 онд аймгийн начин, 2004 онд аймгийн заан, 2010 онд аймгийн арслан цол хүртсэн бөх юм. 

Аваргаас гадна гурвын даваанд улсын цолтой гурван унасан нь улсын начин Ж.Оргил, Б.Бадамдорж, Ж.Чулуунбат нар юм. Дөрвийн даваанаас улсын гарди М.Баяржавхлан магнайлан барилдана.