Дорноговь аймгийн баяр наадам өнөөдөр эхэллээ. Наадмын бөхийн барилдаанд аймгийн арслан цолтой 29, заан долоо, харцага найм, аймгийн начин 23 бөх бүртгүүлжээ.

Аймгийн хурц арслан Ё.Эрдэнэжаргал Б.Баатархүү, Б.Баянмөнх нар магнайлсан энэ барилдааны нэгийн даваанд арслан цолтой таван бөх унасан нь Б.Үүрцайх, Х.Батбаяр, Т.Сүрэнжав, Б.Төрмагнай, П.Батсүх юм.

Энэ давааны төгсгөлд аймгийн начин цолтой зургаан бөх нугарч барилдсанаас үзэхэд хэр чансаатай барилдаан болохыг илтгэнэ.