Сербийн нийслэл Белград хотод чөлөөт бөхийн насанд хүрэгчдийн дэлхийн аварга шалгаруулах тэмцээн есдүгээр сарын 18-27-ны өдрүүдэд болно. Энэ тэмцээнд эх орноо төлөөлөн оролцох Монгол Улсын шигшээ багийн тамирчдыг сонгон шалгаруулах сорилго барилдаан энэ сарын 29-30-нд болох юм. Сорилго барилдаанаас  улсын харцага Г.Ганхуягийг чөлөөлж байгаа бол улсын начин Ө.Батзулыг сорилго барилдаанд оруулна. Г.Ганхуягт хэсэг толгойлох таатай боломж олдсон тул ийм шийдвэрийг түүнд олгожээ. Харин Ө.Батзул УАШТ-д гэмтлийн улмаас өнжсөн тул сорилго барилдаанд оруулахыг дэмжлээ. Тэгвэл олимп, дэлхийн хүрэл медальт Б.Болортуяа эрүүл мэндийн шалтгааны улмаас сорилго барилдааны шигшээ барилдааныг хойшлуулахаар болсон байна. Дээрх шийдвэрийг дор танилцуулж байна.