"Хүрээ цам-Даншиг наадам 2023" шашин соёлын наадмыг наймдугаар сарын 5-6-ны өдрүүдэд Хүй долоон худагт зохион байгуулна. Даншиг наадмын бөхийн барилдаан долоо дахь удаагаа болох гэж байна.

Өнөө жилийн наадмын гол онцлог нь үндэсний бөхөөр 256, Буриад бөхөөр 64, Өвөрмонгол бөхөөр 64 бөхийн барилдаан болох юм. Өвөрмонгол, Буриад, Тувагийн хүчтэй, иртэй аварга, арслангууд ирэх сураг байна. 

Энэ наадамд улсын арслан Р.Пүрэвдагва дөрвөн жил дараалан түрүүлж, дархан аварга цол хүртсэн нь хамгийн дээд амжилт юм. Харин 2019 онд улсын өсөх идэр начин Ч.Хөхчирэнгэр, 2022 онд улсын харцага Л.Лха-Очир түрүүлж, даншгийн арслан цол хүртээд байна.

А.Болд