Завхан аймгийн Нөмрөг сумын түүхт 100 жилийн ойн баяр наадам болж байна. Тус баяр наадмын хүндтэй зочин болох жүдо бөхийн дэлхийн хошой хүрэл медальт Ё.Басхүү морь уяж хурдлуулан төрөлх нутгийнхаа ойн баяр наадамд одтой сайхан нааджээ. Тэрбээр соёолон насанд хонгор үрээгээ түрүүлгэж, хурсан олныг баярлуулсан байна. Адуу адуунаас хамгийн хурдан соёолон насны түрүүг авсанд нутгийн зон олон нь бэлгэшээн ирэх жил болох “Парис-2024” зуны олимпын наадамд түрүүлэхийг ерөөжээ.