Засгийн газрын хуралдаанаас гаргасан шийдвэрийг танилцуулж байна. Энэ үеэр Уул уурхай хүнд үйлдвэрийн сайд Ж.Ганбаатар цаг үеийн асуудлаар мэдээлэл өглөө.

Тэрбээр "Манай улс сард 80 мянган тонн дизель түлш хэрэглэдэг. Трэйд компаниудын үйл ажиллагааг түр хязгаарлах шийдвэр гарсаны улмаас манай улсад дизель түлш түр тасарсан.

Мөн зуны түлшнээс өвлийн түлш рүү шилжих явцад Ангарскийн үйлдвэрт саатал гарсан. “Роснефть” үйлдвэр гэрээнд заасны дагуу түлшээ нийлүүлж байна. 11 хоногийн буюу нийт 11 мянган тонн түлшний  нөөц байна. Ирэх сараас нийлүүлэлт хэвийн болно.  

ОХУ-д энэ онд дотоодын нөхцөл байдлын улмаас түлшний хэрэглээ өмнөх жилүүдийнхээс өссөн нь мөн нөлөөлсөн. БНХАУ-аас ойрын хугацаанд 8000 тонн түлшийг манай хувийн хэвшлийн компаниуд оруулж ирнэ. Ер нь бид яагаад урд хөршөөс бага түлш импортолдог вэ гэхээр үнэ өндөр. АИ-92 тасраагүй, харин зарим ААН дотоод асуудлын улмаас нийлүүлэхгүй байна. Би нэр дурдаж болохгүй байна" гэв.   

Д.Батчулуун