Буриад улсын гавьяат жүжигчин цолыг 20 хүрээгүй насандаа хүртэж, ОХУ-д эх орныхоо нэрийг дуурсгаж яваа залуу уран бүтээлч Б.Амархүүгийн тухай 24 баримтыг хүргэж байна.

1.  “Премьер министр”-ын ахлагч, Буриад улсын ардын жүжигчин Б.Амархүү хэмээх Монгол цустай нэгэн залуу Оросын шоу бизнест хэдийнээ өөрийн гэсэн орон зайг эзлэх болсон. ОХУ-ын рок попын гал тогооноос гарч ирж, хэдэн сая Оросуудын шүтээн болсон тэрээр Монгол дуучдын үнэлэмжийг өсгөж өгсөн дуучин гэвэл оносон хэрэг болох биз ээ.

2. Борхүүгийн Амархүү нь 1987 оны зургаадугаар сарын 20-нд Булган аймагт төрсөн бөгөөд нийслэлийн  арван жилийн 54-р сургуульд элсэн орсон ч тун удалгүй жил суралцаад Улаан-Үд хот руу буцсан байна.

3. Тэрээр багаасаа дуулах сонирхолтой хүүхэд байсан төдийгүй эмээ, өвөө нь түүнийг маш ихээр дэмжиж “Миний хүүд бурханаас заяасан байгалийн авъяас байгаа” хэмээн урамшуулсан нь өнөөдөр Б.Амархүүг дуучин болох замд нь хөтлөх үүд хаалгыг нээсэн гэж хэлж болох юм.

4. Б.Амархүү багаасаа хөгжмөөр хичээллэж байсан ч тусгайлан хөгжим сураагүй юм. Түүнийг 7 настай байхад аавыг нь Соёлын яам Улаан-Үдэд Буриадын үндэсний цирк нээхийг санал болгосныг хүлээн авчээ. Борхүү гуай тус циркт найруулагчаар сайн ажилласан гэж “Байгаль” театрт ерөнхий найруулагчаар ажиллахыг урьсан гэдэг.

5.  Б.Амархүү нэгдүгээр ангидаа Улаан-Үдийн Төмөр замчдын соёлын төвийн “Веселушки” ардын урлагийн хамтлагт орсон байна.

6.  Хэсэг хугацаа өнгөрсний дараа Б.Амархүү поп хөгжимд татагдаж, эстрадын дуу дуулаачийн студид хичээллэж эхэлжээ. Б.Амархүүг сургуулиа төгсөхөд аавынх нь ажлын нөхөд театрт дуучнаар хүчээ сорихыг урьсан бөгөөд тэрээр хоромхон зуур гоцлол дуучин болсон байна. Үүнээс гадна Бүгд Найрамдах улс болон бүс нутаг хоорондын олон наадамд тэргүүн байр эзэлжээ.

7.  Хамтатгахын ордонд төрсөн дуучин маань дуулахаас гадна DJ хийдэг.

8. Амархүү  Орос-д нэр хүндийн оргилд хүрсний дараа Европт хүчээ сорих зорилгыг өвөртөлж явдаг.

9. Дуучин залууг маань Оросын шилдэг дуучин шалгаруулах телевизийн уралдаанд оролцохыг найзууд нь ятгасан бөгөөд тэр шалгаруулалтад тэнцснээр, Москвад төгсгөлийн шатанд шалгарч, тэндээ амьдрах болсон гэдэг.

10. Тэрбээр тэмцээндээ түрүүлсний дараа “Тус тэмцээнд маш олон авъяаслаг өрсөлдөгчид байсан учраас өөртөө тийм ч итгэлтэй байгаагүй. Их ч сэтгэл түгшиж байсан. Сүүлчийн шатны дуугаа дуулаад тайзнаас буухад зарим нэг хүн “чи хасагдсан” гэж байсан. Үгүй, энэ худлаа хэмээн бодож байсан мөртлөө ялсандаа одоо хүртэл итгэдэггүй юм. Тус тэмцээний ялагч болсныг зарлахад өөрийн эрхгүй нулимс минь гарсан ” хэмээн Оросын томоохон сэтгүүлд ярьж байжээ.

11.  Үүнээс хойш Б.Амархүү “Премьер-министр” гэгдэх нэрд гарсан хамтлагтай гэрээ байгуулж, гоцлол дуучнаар нь одоог хүртэл ажиллаж байна.

12.  Түүний хувьд олон улс орноор аялж, цомгоо бичүүлэх болсон тэрээр ажлын шахуу хөтөлбөрөөр ажилладаг тул амрах зав бараг үгүй гэсэн. Иймээс тэрээр чөлөөт цаг гарвал нойр авч, сагсан бөмбөг тоглох дуртай.

13. Мөн  тэрээр зав чөлөөгөөрөө Улаан-Үдэд аав ээж дээрээ ховорхон зочилдог. Түүний эцэг эх нь нэг хэсэг хүүгээ зөвхөн телевизээр л хардаг байснаас тэр бүр уулзаж чаддагггүй байжээ. Нэр хүндийн оргилын зах зухад хүрээд байгаа гэх Б.Амархүү Орос улсын хил давж, ойрын гадаад орнуудад нэр алдраа түгээж байна.

14. Б.Амархүүгийн талаар хэвлэл мэдээллээр тэр дундаа түүний найз бүсгүйг их сонирхоцгоож байсан бөгөөд алтны нэртэй магнатын охин гэж шуугьцгааж байсан цаг саяхан.  Мөн түүний хайрыг татаж олноос онцгойрсон бүсгүй бол загвар өмсөгч О.Ариунзул гэж хүмүүс ам булаацалдан ярьцгаадаг. Тэрбээр найз бүсгүйнхээ Facebook-ийн зурагнууд дээр “Миний охин” “Миний хайр хэний ч биш миний л хайр” гэх комментуудыг үлдээн өөрийнхөө хайрыг илчилж байсан ч удаатай.

15. Гэвч хосуудын хайрын түүх удаан үргэлжлээгүй бөгөөд салсан шалтгаан нь О.Ариунзулын гадаад байдлаас болсон гэх. Учир нь загвар өмсөгч бүсгүй маань хэтэрхий задгай хувцасладаг бөгөөд энэ нь олон хүний анхаарлыг татдаг байсан аж. Харин Б.Амархүү найз бүсгүйнхээ гадаад имижд сэтгэл дундуур байсан бөгөөд энгийн даруу байлгахыг хүсдэг байсан ч О.Ариунзул найз залуугийнхаа хүслээр байгаагүй нь тэдний харьцааг хөндийрүүлсэн хэмээн ойр дотныхон нь ярьдаг юм билээ.

16.  Энэ мэдээллээс хойш дуучин залуу маань нэг их удалгүй найз бүсгүйгээ олонд танилцуулж “миний найз бүсгүй жирийн л нэгэн  айлийн охин бид үерхээд жил болж байгаа түүний минь нэрийг Ольга гэдэг. Оросын шоу бизнест нэлээд нэрд гарсан бүжигчин бүсгүй байгаа. Оросын одуудын тоглолтод бүжигчин, бүжиг дэглээчээр оролцдог. Ф.Киркоровын Монголд болсон тоглолтод оролцож байсан. Монголд их дуртай, анх ирэхдээ бүх дэлгүүрээр ороод, захаар орж үзсэн. Ер нь бол эелдэг зантай, сайхан бүсгүй. Харин жаахан ичимхий” хэмээн телевизээр мэдэгдсэн.

17.  Ингээд Б.Амархүү саяхнаас хуримын зараа тараагаад байгаа гэнэ. Дуучин залуу хуримаа эхлээд Орост, дараа нь Монголд, Буриадад гээд нутаг нутгийн заншлаар өргөн хийх төлөвлөгөөтэй байгаа гэнэ.

18.  Урлагийн ертөнцөд одтой яваа залуу дуучин сүүлийн үед бизнесийн салбарт хүч сорьж байгаа бөгөөд Улаан-Үд хотноо залуучуудын хувцасны нэгэн томоохон дэлгүүрийг нээсэн юм. Дэлгүүрийн онцлог нь ноолууран болон савхин эдлэлээр хийсэн өнөөгийн залуучуудын стилийн хувцас худалдаалдаг юм байна. Тэрээр “Энэ бол бизнесийн салбарт хөл тавьж байгаа анхны алхам маань болж байгаа. Одоогоор шинэхэн ажил минь маш амжилттай байгаа ч цаашид үргэжүүлэх төлөвлөгөө бий. Мөн тун удахгүй Москвад өөрийн нэрийн дэлгүүрийг ч нээнэ гэдэгт найдаж байна. Ойрын хугацаанд Монгол, Буриад хоолны зоогийн газартай болохоор төлөвлөж, судалж байгаа. Гэхдээ мэдээж дууны карьер маань нэн тэргүүнд байгаа бөгөөд энэ салбарт сурч, боловсрох зүйл их байгаа” хэмээн ярьжээ.

19.  Мөн Б.Амархүү “Би кинонд тоглохийг хүсч байна, бүр Чингис кинонд 150 хувь тоглохыг хүсч байна” гэсэн мөрөөдөл нь биелж түүнд саяхан нэгэн томоохон кино компаниас саналаа тавьсан нь Оскарт нэр дэвшсэн Сергей Бодровын Чингис хааны тухай өгүүлсэн “Монгол” киноны 2-р ангид дуучин залууд дүр бүтээх ажээ. Хэдийгээр нэгдүгээр анги нь Монгол үзэгчдэд таалагдаагүй ч гадныханы сонирхлыг ихээхэн татаж,  2-р ангид нь Холливудын хэд хэдэн нэртэй жүжигчид тоглохоор болсон гэнэ. Амархүүгийн хувьд саяхан Оросын шоу бизнесийн өрсөлдөөний тухай өгүүлсэн кинонд багахан хэмжээний дүр бүтээсэн нь кино найруулагчдийн анхааралд өртөж кинондоо тоглуулах урилга өгсөнийг нь Амархүү дуртай хүлээж авчээ.

20. Түүнийг мөн “Hero Entertainment”-ийн бүтээсэн “Татар ажиллагаа” инээдмийн уран сайхны кинонд тоглон, чамгүй сайн жүжигчин болохоо харуулж байсныг  та бүхэн санаж байгаа байх. Үүгээр ч зогсохгүй тэрээр энэ сард нээлтээ хийсэн “Big fish” хэмээх киноны гол дүрд тоглосон.

21. “Премьер министр” хамтлагийн гоцлол дуучин Б.Амархүү “Любимая” дуундаа клип хийлгэж байх үедээ золтой л нэг бүсгүйг дайрсангүй гэсэн мэдээлэл энд тэнд цацагдсан. Тэгвэл энэхүү мэдээлэл үнэн ба  түүний машины хурд бага байсан нь аз болжээ. Хэрвээ машин хурдтай явж байсан бол энэ хэрэг эмгэнэлтэйгээр дуусаж мэдэхээр байсан гэнэ. Амархүүгийн Audi A4 машинд мөргүүлсэн бүсгүйд бие жаахан шалбарсанаас өөр гэмтэл учраагүй байна. Амархүү ч нэлээн сандарсан гэнэ

22. Тэрбээр  “Universe Best Songs-2012” наадмын шүүгчээр нэлээд идэвхтэй оролцсон. Түүний талаарх сайн муу мэдээллүүд цөөнгүй гардаг ч тэрбээр ямар нэгэн тайлбар хийгээд байдаггүй. Харин сүүлийн үед түүнийг Буриад улсын ардын жүжигчин биш гэх мэдээлэл чих дэлсэв. Буриад улсын Соёлын яамны албаны хүмүүс дээрх асуудлаар манайд хандах гэж байгаа тухай эх сурвалж мэдээлэв.

23. Тодруулбал Б.Амархүү тус улсын ардын жүжигчин биш байж ингэж худлаа мэдээлэл тарж байгаад тус улсын Соёлын яамнынхан эгдүүцэж байгаа бололтой. Тиймээс дээрх асуудлыг нэг мөр болгохоор манайд хандах гэнэ. Буриад улсын Ардын жүжигчин гэсэн цол тухайн улсын хувьд хэр баргийн хүнд өгчихөөргүй нэр хүндтэй шалгуур өндөр гавьяа шагнал бөгөөд түүнийг 4 жил бааранд дуулж залуу авьяастныг шалгаруулах тэмцээнд түрүүлсэн гээд өгчихөөргүй зүйл аж. Ямартай ч удахгүй түүнийг Буриад улсын Ардын жүжигчин мөн эсвэл биш эсэх нь тодорхой болох нь ээ.

24. “Universe Best Song`s” уралдааны шүүгчээр ажиллаж байхдаа тэрбээр дуучин болох хүсэлтэй залуусыг сайн муу сайхан муухай гэж шүүмжлэхээсээ өмнө хоолойн дасгалыг ингэж хий, дууныхаа өнгийг тэгж ав гэхчилэн мэргэжлийн талын зөвлөгөөг нөгөө хоёроосоо илүү өгч, залуусын хайрыг татаж чадсан юм.