Өнөөдрийн байдлаар дэлхий нийтэд шинээр 140 гаруй мянган халдвар илэрч нийт тохиолдол 8.3 саяд хүрлээ. Нэг хоногийн дотор 5244 хүн нас барж, нийт нас барагсдын тоо 450.4 мянгад хүрлээ.

Коронавирусний халдварын тархалт АНУ, Бразил, ОХУ, Энэтхэг, Чили, Перу, Пакистан зэрэг улсуудад өндөр хэвээр байна. Тодруулбал, 24 цагийн хугацаанд Бразилд 31.4 мянга, АНУ-д 24.9 мянга, Энэтхэгт 13.1 мянга, ОХУ-д 7.8 мянга, Пакистанд 5.8 мянгаар шинээр нэмэгджээ. Бразилд хоногт 1209 хүн нас барж, тус улсад халдвар болон нас баралтын тоо өндөр хэвээр байна.