"The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр товлосон байна. Хандивын  тоглолтыг “Хүрээ энтертайнмент” ХХК-тай хамтран МҮОНРТ-ээр шууд дамжуулах юм байна. 

“The Hu” хамтлаг  нь хөөмий, хархираа зэрэг монголчуудын хийдэг хоолойн өвөрмөц техникүүд болоод морин хуур, товшуур, цуур зэрэг уламжлалт хөгжмийн зэмсгүүдийн дуугаралтыг орчин цагийн рок хөгжмийн элементүүдтэй хавсарган хүннү рок урсгалыг дэлхийн тавцанд танилцуулаад байгаа юм.

Ташрамд дурдахад, 

“The Hu” хамтлаг Европын орнуудад хийх аялан тоглолтынхоо салхийг хагалж  “White Rock Center”-т 2019 оны тавдугаар сарын 23-нд “Гэрэг” хэмээх бие даасан тоглолтоо хийж байсан билээ. Уг тоглолтын гэрэл зургуудаас дахин хүргэж байна.