Инээдмийн баярыг угтан хошин урлагийнхан нэгдэж “Инээдээр дархлаагаа дэмжье” зохион байгуулахаар боллоо. Тоглолт маргааш С1 телевизээр шууд дамжуулагдан хүрнэ.

Энэ талаар Эмоци продакшны захирал Д.Түвшинтөр “Дэлхий нийтээр коронавирусний цар тахалтай тэмцэж байгаа энэ үед хошин урлагийнхан нэгдэж үзэгч олондоо хандивын аян зохион байгуулахаар болсон. Бэлтгэл ажил 90 хувьтай хангагдсан. Маргааш орон даяар С1 телевизээр хүрнэ. Инээдмийн баярыг монголчууд өргөн тэмдэглэж ирсэн. Тиймээс инээж дархлаагаа дэмжих аян зохион байгуулж байна. Үнэгүй тоглолт хийвэл яах вэ гэж иргэдээс санал асуулга явуулахад иргэд их дэмжсэн. Мөн бидэнтэй хамтарч ажиллаж байгаа ААН-үүдэд баярлалаа гэж хэлье.

Тоглолтод "Шинэ үе", "Эмоци", "Маск", "Аглуу" энтертайнмент, "Өнгөт инээд", "Мөрөөдлийн театр"-ын зургаан тоглолт дөрвөн цаг гаруйн хугацаанд үргэлжилнэ. Тоглолт маргааш 20.00 цагаас эхэлнэ” гэлээ.    

А.Сүх