69 дэх удаагийн дэлхийн мисс шалгаруулах тэмцээнд эх орноо төлөөлөн М.Цэвэлмаа оролцож байгаа билээ. Түүний авьяасын шалгаруулалтад үзүүлсэн үзүүлбэр шилдгүүдийн тоонд багтжээ.
Тодруулбал, тэрбээр авьяасын шалгаруулалтад Чингис хаан одонт “The Hu” хамтлагийн “Yuve Yuve” дууны ая дээр морин хуур, хөөмий, монгол бүжгийн хосолсон үзүүлбэр үзүүлсэн байна. М.Цэвэлмаагийн авьяасын үзүүлбэрт “The Hu” хамтлагийн продюсер Б.Дашдондог, МУГЖ Ш.Одонтуяа, хөөмийч МУСТА А.Ундармаа, морин хуурч МУСТА Буян-Арвижих нар мэргэжлийн туслалцаа үзүүлсэн аж.
Ташрамд дурдахад, олон нийтийн санал асуулгаар Монгол Улс нийт 140 орноос Мексик, Непал гэх улсын дараа гуравдугаарт байрт, www.missworld.com сайтын санал асуулгаар эхний наймд явна.
Дэлхийн миссийн тэмцээнд амжилттай оролцож буй М.Цэвэлмаад дэмжиж, энэ сарын 14-нийг хүртэл санал өгөхийг уриалж байна.
