Интернэт видео стриминг үйлчилгээний “Netflix” компани нобелийн шагналт “Зуун жилийн ганцаардал” бүтээлийг дэгэцийн цуврал бүтэл болгох эрх авчээ.
Тодруулбал, “Netflix” компани "Дэлхийн шилдэг 100 зохиол"-ын нэгээр бичигддэг Габриель Гарсиа Маркесын бичсэн тус номоор цуврал кино хийх ажилдаа оржээ. Энэ талаар “Netflix” компани “Зохиолчийн гэр бүлийнхэн түүний романыг дэлгэцийн бүтээл болгохыг зөвшөөрсөн нь анхны тохиолдол болж байна” хэмээн мэдэгдсэн байна.
Зохиолд Хосе Аркадио Буэндиа ба Макондо тосгон болон түүний удмынхны 100 жилийн амьдралыг харуулдаг бөгөөд үхэл ба амьдрал, хүсэл мөрөөдөл зэргийг зохиолдоо чадмаг хослуулж, Буэндиагийн гэр бүлийнхний ганцаардмал хувь заяаг дүрслэн үзүүлжээ. Хайр харуусал хүний амьдралын тааж боломгүй хувь заяаг харуулсан уг бүтээлийг кино сонирхогч, үзэгчид дэлгэцээр хэрхэн амилахыг удахгүй үзэх нь ээ.
