“Big Brother” реалити шоуны зохиолч Жон де Мол болон Голландын дуучин Роэл ван Велзен нар анх “The Voice” шоуны санааг гаргаж байсан аж. Жон де Молоос “X-Factor”-аас илүү гарах шоуны санаа олж чадах уу гэж Голландын найруулагч Эрланд Галжаард асуухад “Blind audition” гэсэн санааг олсон байна. Гэхдээ дурын оролцогчийг бус үнэхээр чанартай, чадварлаг хүмүүсийг сонгон шалгаруулж, хөгжмийн ертөнц дэх хамгийн шилдэг уран бүтээлчдээр шүүлгэх хэрэгтэй гэж шийдсэн аж. Харин дуучин Роэл эргэлддэг сандлын санааг олсон юм. 

Уг нэвтрүүлгийг 2011 оноос эхлэн олон улсад хийж эхэлжээ. Ихэнх нь улс орны болон үзэгчдийн онцлогт тохируулсан байдлаар бага зэрэг өөрчилж хийдэг байна. Өдгөө 129 бүс нутагт “The Voice” шоу гардаг ба эдгээрээс нийт 311 ялагч тодорчээ. Уг шоу нэвтрүүлгийн “The Voice Kids”, “The Voice Teens” гэсэн хүүхдэд зориулсан хувилбарууд ч байдаг.

Өнөөдөр Отгонбаяр шүүгчийн багаас 8 оролцогч ая дуугаа өргөх бөгөөд 2 нь үзэгчийн саналаар, 2 нь шүүгчийн саналаар дараагийн шатанд шалгарна. Таны бодлоор хэн нь хамгийн шилдэг үзүүлбэрийг үзүүлэх бол?