Шилдэг эрэгтэй туслах дүр – Анх удаа Оскарт нэр дэвшсэн Сэм Рокуэл "THREE BILLBOARDS OUTSIDE EBBING MISSOURI" кинонд бүтээсэн цагдаагийнхаа дүрээр хүртлээ. Тэрээр 1968 оны 11 сарын 5-нд Калифорнид төрсөн. BAFTA, Screen Actors Guild Awards, Алтан бөмбөрцөг наадмуудаас шилдэг дүрийн шагнал хүртэж байсан авьяаслаг жүжигчин билээ. Сэм Рокуэлийг монголчууд Green Mile кинонд бүтээсэн сөрөг дүрээр нь илүү таньдаг.
Шилдэг эмэгтэй туслах дүр - "I,Tоnya" кинонд бүтээсэн Тонягийн ээжийн дүрээрээ Аллисон Жанни хүртлээ. Аллисон Жанни I, Tonya кинонд бүтээсэн дүрээрээ Шүүмжлэгчдийн сонголт, Алтан бөмбөрцөг, Британийн кино академийн шагнал, Оскар гээд бүхий л гол шагналуудын эзэл боллоо. Аллисон Жанни нь 1959 оны 11 сарын 19-нд Массачусетүст мэндэлсэн бөгөөд холливүүдийн олон кинонд гол болон туслах дүр бүтээсэн, бидний сайн мэдэх Немогийн эрэлд хүүхэлдэйн киноны Дори загасны дууг оруулсан юм.
