Чарльз Мэнсоны үйл явдалтай холбоотой киног Квентин Тарантино найруулах гэж байна гэх шуугиан тарсан байна.
Энэ бараг л дангаараа ганц мэдээ болж болохуйц дуулиан. Гэтэл үүн дээр бүр том шуугиан нэмэгдсэн нь Леонардо Ди Каприо, Брэд Питт хоёр тэр кинонд хамтдаа дүр бүтээх явдал байлаа. Ямар вэ дээ?
Леонардо Ди Каприо Тарантиногийн "Django Unchained" (2012) кинонд тоглож байсан бол Брэд Питт "Inglourious Basterds" (2009) кинонд тоглож байсан.
“Once Upon a Time in Hollywood” гэх нэртэй кино байх нь тодорхой болоод байгаа билээ. Мөн уг кино 2019 онд нээлтээ хийнэ гэж зарлагдаад байгаа ба Леонардо, Брэд хоёрын хамтран тоглосон АНХНЫ кино болох нь. Тарантиногийн мэдээлснээр киноны үйл явдал 1969 онд болох ба гол дүрүүд нь Рик Долтон (Леонардо Ди Каприо), Клифф Бүүт (Брэд Питт) нар байх аж. Энэ бол Мэнсоны аллага гэх аймшигт хэрэгт холбоотой Холливудын нэр бүхий хүмүүс юм. Киноны тухай шуугиан анх Марго Роббиг уг кинонд Тэйтийн дүр бүтээнэ гэсэн цуурхлаас эхэлсэн ч одоогоор баттай эсэхийг мэдэхгүй байгаа аж.
“Би энэ киноны зохиол дээр таван жил гаруй ажилласан. Би өөрөө Лос Анжелест тухайн үед амьдарч байсан учир энэ түүхийг харуулахсан гэхээс бас Лео, Брэд хоёрыг хамтад нь оролцуулна гэхээс байж ядаж байна.” гэж Тарантино нэгэн ярилцлагадаа дурджээ.
“Once Upon a Time in Hollywood” Тарантиногийн 9 дэх бүтээл байх ба 2019 оны наймдугаар сарын 9-нд буюу Тэйтийн үхлийн 50 дахь жилийн ой дээр нээлтээ хийх болно.
