"Авьяаслаг Азичууд" тэмцээний алтан баззерын эзэн Б.Шижирбат олон нийтийн санал хураалтаао дүнд финалын шатанд үлджээ.
Тэрбээр өнгөрсөн долоо хоногийн пүрэв гарагт хагас финалын шатанд бас нэгэн шинэлэг үзүүлбэрээ толилуулсан бөгөөд тухайн өдрийн 20:30 цагаас Фэйсбүүк, Гүүглээр цахим санал хураалт явуулж, ням гарагийн 23:59 цагт дууссан байна.
Энэ талаар Б.Шижирбат Фэйсбүүктээ "Дахиад ганц удаа хөл дээрээ тогтох боломж өгсөн та бүхэндээ маш их баярлалаа. Арванхоёрдугаар сарын 7-нд финал буюу шилдэг есөн оролцогчийн эцсийн шалгаруулалт. Цаг бага байгаа ч бүхнээ гаргах болно оо" гэжээ.
