Зөвлөлт Холбоот Улсын бүрэлдэхүүн задарч, ОХУ үүсгэн байгуулагдсаны ойн өдрийг тохиолдуулан Ерөнхийлөгч Владимир Путин урлаг соёл, Шинжлэх ухааны салбарын зүтгэлтнүүдийг шагнажээ.

Кремлийн ордонд ОХУ үүсэн байгуулагдаж, ардчилал нээлттэй нийгэм хөгжсөний ойн баярыг тэмдэглэж шагнал гардуулах ёслол зохион байгуулсан юм. Ерөнхийлөгч Путин эх оронч үзэл, Оросын соёл урлагийг дэмжсээр байгаа гэдгээ энэ арга хэмжээгээр харуулсан байна.

Владимир Путин урлаг соёл, шинжлэх ухаан, хүмүүнлэгийн салбарын 7 зүтгэлтэнд төрийн шагнал гардуулан өгсөн байна. Кремлийн ордонд болсон шагнал гардуулах ёслол дээр хэлсэн үгэндээ ардчиллыг амжилттай түгээж, эдийн засаг болоод нийгмийн салбарыг орчин үеийн чиг хандлагаар хөгжүүлж, улс орноо нээлттэй, бие даасан болгож чадсан гэжээ.