"ДОЗ"-ын Зулаа гэдгээрээ олонд танигдсан жүжигчин А.Мөнгөнзулийн тухай 24 баримтыг хүргэж байна.

1.    “DOZ entertainment”-ийн жүжигчин А.Мөнгөнзул. Тэрээр Булган аймгийн нэгдүгээр төрөхт төрсөн.
2.    Тэрээр нөхөр хоёр хүүхдийн хамт амьдардаг.
3.    Өмнө нь “X-түц” хамтлагийн жүжигчин байсан бөгөөд 2004 онд нөхөртэйгээ “DOZ entertainment”-ийг байгуулсан.
4.    Тэрээр ухаалаг, хөдөлмөрч хүн бүрийг биширдэг.
5.    Багадаа “Мандухай сэцэн хатан” киног үзээд жүжигчин Н.Сувд шиг хүн болохыг хүсдэг байжээ.
6.    Чөлөөт цагаараа усанд сэлэх, интернэтээр аялах, кино үзэх дуртай.
7.    Номонд нугасгүй нэгэн. Хаана шинэ ном гарна, тэр болгоныг худалдаж авна. Харин сүүлийн үед интернэтээс их юм уншдаг болсон аж.
8.    Тэрээр О.Дашбалбар агсаны “Амьддаа бие биенээ хайрла” гэдэг үгнээс давж гарах үг цөөхөн байх гэж боддог.
9.     Хэрвээ өөрийгөө хэн нэгэнтэй сольвол Ерөнхийлөгч болж үзэхийг хүсдэг гэжээ.
10.    Шарсан хавиргыг хамгийн сайн хийж чаддаг.
11.     “American Idol” нэвтрүүлгийг үзэх дуртай.  
12.    Түүнд Мэрлон Брендо, Роберт Де Неро, Монголоос Н.Төмөрхуяг, И.Одон-чимэг нар таалагддаг.
13.    Түүнийг хамгийн их догдлуулдаг мөч бол нэг уран бүтээл хийж дуусаад дараагийн уран бүтээл. Тухайлбал, киноны нээлтээ хийхэд хамгийн их догдолдог байна.
14.    Мөн үзэгчид сайхан кино болжээ гэж үнэн сэтгэлээсээ баяр хүргэж, алга ташиж байх мөчид хамгийн их урам авдаг. Үзэгчдийн сайхан урмын үг, уран бүтээлээсээ кайф авдаг аж.
15.    Түүний хамгийн үнэтэй бэлэг бол нөхрийнх нь Германаас илгээсэн захиа. Уг захиаг одоо ч хадгалдаг байна.
16.    А.Мөнгөнзулын нөхрийг танихгүй хүн гэж үгүй. Түүний нөхөр “DOZ entertainment”-ийн Ш.Доржсүрэн буюу бидний мэдэх Дооёо. Дооёо түүнийг Жульеттад тоглуулна гэсээр авч суусан гэдэг.
17.    Тэдний бүтээсэн “Хөх толбот хүмүүс” уран сайхны кино олон улсын кино наадмаас гранпри шагнал хүртсэн. Мөн уг кино нь БНХАУ-д албан ёсоор   нээлтээ хийж байгаа анхны монгол кино болсон.
18.    Киноны нээлтийг Төрийн ордонд хийсэн нь олны хэл амыг их дагуулсан.
19.    Мөн дараахан нь А.Мөнгөнзулыг Төрийн соёрхолт авна хэмээн яриа дэгдэж байв. Гэвч тэрээр “Төрийн соёрхолт авна гэдэг надад ахадсан хэрэг” хэмээн үгүйсгэж байжээ.
20.    Тэрээр багадаа дуулж, бүжиглэх их дуртай байжээ.
21.    Энэхүү авьяасаа “Ододтой бүжиглье” шоунд оролцож олны өмнө дэлгэв. Үзэгчид түүнийг маш их дэмжиж байсан ч тэрээр гуравдугаар байранд орсон.
22.    А.Мөнгөнзул, Ш.Доржсүрэн нар жүжигчин Б.Баатархүүг хүнд өвчин туссан үед нь хандивын тоглолт зохион байгуулсан. Мөн уг тоглолтоос олсон орлогоороо өөрсдөдөө байр, машин авсан гэсэн ярианд орж байв.
23.    Харин энэ тухайд А.Мөнгөнзул “Дооёо бид хоёрыг Б.Баатархүүгийн хандивын тоглолтын мөнгөнөөс байр, машин авсан гэсэн яриа гарсан. Дэндүү муухай зүйлийг боддог, сэтгэдэг хүмүүс бас байх юм аа. Тэр үед найзын минь тоглолт сайхан боллоо, том буян хийлээ гээд бид хоёр баярлаад уйлж явснаас муухай зүйл хийгээгүйг бурхан мэднэ.Энэ яриаг сонсоод даанч дээ гэж л бодсон. Үүнийг сонсоод Дооёо сэтгэлээр их унасан. Тэр үед бид хоёр Б.Баатархүүг эмчилгээ хийлгээд ирэхэд телевизэд ярилцлага өгч болох л байсан. Гэхдээ бид 3 юу ч яриагүй. Бурхан харсан байлгүй дээ Хүнд мартаж болохгүй зүйл гэж байдаг.Муу үг хүний сэтгэлийг буглуулдаг юм байна лээ” гэж байв.
24.    Тэрээр хамгийн сүүлд “DOZ entertainment”-ийн бүтээл “Дүүлэн нис” хэмээх БНСУ-ын жүжигчидтэй хамтарсан киноны гол дүрийг бүтээсэн юм.