Хүнс, хөдөө аж ахуй, хөнгөн үйлдвэрийн яамнаас 1.2 тэрбум төгрөгийн тендер зарлажээ. Тодруулбал, "Орон нутагт жимс, жимсгэнийн суулгац үржүүлгийн газар байгуулах аж. 

Суулгац үржүүлгийн газрыг 10 га-аас доошгүй талбайд байгуулахаар төлөвлөсөн байна. Үүний 4 га нь үржүүлгийн эх цэцэрлэг байх агаад 3 га нь үрт жимсний, 1 га нь яст жимсний талбай байна. 4 га талбайд бойжуулга хийгдэхээр төлөвлөжээ. Харин талбайн 2 га-д ажилчдын зөөврийн орон сууц гэх зэрэг барилга байгууламжийн чанартай зүйлс байна. 

Түүнчлэн жимс, жимсгэнийн суулгац үржүүлгийн 4 га эх цэцэрлэгийг гарал үүсэл нь тодорхой, газар тариалангийн төвийн бүсийн хөрс, цаг уурын онцлогт тохирсон баталгаажсан болон сүүлийн үеийн элит 20-оос цөөнгүй сортын, стандартын шаардлага хангасан 6500 ширхэгээс доошгүй суулгацаар байгуулна гэж тендерийн баримт бичигт тусгажээ.  

Тендерийн нээлтийг ирэх сарын 8-ны өдөр хийхээр товлосон байна.