Жүдо бөхийн хамгийн хүнд жингийн дэлхийн 12, олимпын хоёр удаагийн аварга Тедди Ринер энэ сарын 02-04-ны өдрүүдэд болсон Парисын Их Дуулга тэмцээнээс найм дахь түрүүгээ хүртэв. 

Өдгөө 34 нас зооглож буй тэрбээр өнгөрсөн жил Катарын Доха хотноо болсон ДАШТ-д маргаантай түрүүлсэн. Түүнийг жүдо сонирхогчид "Харьж байна даа" гэцгээх болсон нь тэр үеэс л эхлэлтэй. Тэр ч бүү хэл нутагтаа зохиогдох олимпын наадамд ард түмнийхээ итгэлийг дааж, сүүлийн удаа ч болов олимпын аварга болох эсэх тухай ярьцгааж байлаа. 

Тэгвэл тэр "болоогүй" гэдгээ харуулж, нутагтаа зохиогдсон Их Дуулгад аваргаллаа. Түүний үнэмлэхүй амжилтыг эвдэх бөх энэ мянганд төрөхгүй гэж хүмүүс хэлцдэг. 

Л.Сайнаа