"Катар 2022" хөлбөмбөгийн ДАШТ-ий хагас шигшээ тоглолтод Мароккогийн шигшээ баг Францын шигшээд 2:0 харьцаатай ялагдсан бол Хорватын шигшээ баг Аргентины шигшээд 3:0 харьцаатай хожигдож, хоорондоо хүрэл медалийн төлөө өрсөлдөхөөр тунан үлдлээ.

Энэ удаагийн тэмцээнд хэсгээ тэргүүлж Бельги, Португал, Испанийн шилдгүүдийг сөхрүүлэн амжилттай оролцож буй Мароккогийн шигшээ баг Хорватын шигшээгийн эсрэг хэрхэн тоглох эсэх нь олны анхаарлын төвд байна. Хорватын шигшээ багийн хувьд Японыг хасагдах шатанд, Бразилыг шигшээ наймд унагасан. ДАШТ болгонд түрүүлэх багийн тааварт байдаг Бразилын шигшээ багийг хожсон тэд "Атласын арслан" хочит Мароккогийн шигшээ багийг хожвол дэлхийн аваргаас бусад бүх байрт шалгарсан түүх бүтээх юм. 

Мароккогийн шигшээ баг Африк тивээс ДАШТ-ий хагас шигшээд шалгарсан анхны баг болсон бол Хорватын шигшээ 2018 онд болсон өмнөх ДАШТ-д үзүүрлэсэн билээ. 

Л.Сайнаа