Шатрын бодлого бодолтын дэлхийн аварга шалгаруулах дөчин тав дахь удаагийн тэмцээн Арабын нэгдсэн Эмират улсад 11-р сарын 13-19-ний өдрүүдэд зохион байгуулагдаж байна.
Энэ удаагийн дэлхийн аварга шалгаруулах тэмцээнд Арабын нэгдсэн Эмират улсын номер нэг шатарчин их мастер Салем Салех,Украйны супер их мастер П.Эльянов тэргүүтэй дэлхийн 38 орны 278 тамирчин бүртгүүлсэн байна.
Манай улсаас дараах хоёр тамирчин дэлхийн дэвжээнд өрсөлдөж байна.
- Их мастер,Бодлого бодолтын дэлхийн шатрын холбооны мастер С.Билгүүн
- Дэлхийн шатрын холбооны мастер,Бодлого бодолтын спортын мастер С.Чингүүн
Их мастер,шатрын бодлого бодолтын залуучуудын дэлхийн аварга С.Билгүүний хувьд хоёр дахь удаагаа энэхүү тэмцээнд оролцож байгаа бол түүний дүү Дэлхийн шатрын холбооны мастер С.Чингүүн анх удаа дэлхийн аварга шалгаруулах тэмцээнд хүч үзэж байна.
Манай хоёр шатарчин арваннэгдүгээр сарын 14-19-ний хооронд Шатрын бодлого бодолтын нийт 6 төрлийн тэмцээнд ур чадвараа сорин өрсөлдөнө.
