Монголчууд бид Үндэсний их баяр наадмаар хамгийн шилдэг бөхийг шалгаруулдаг уламжлалтай билээ. Харин хамгийн шилдэг аймаг, бөхийн дэвжээг шалгаруулах "Алтан цомын төлөөх тэмцээн" энэ сарын 1-нээс эхэлсэн бөгөөд бүтэн улирлын турш үргэлжилнэ. 

Ийнхүү уншигч та бүхэнд "Алтан цомын төлөөх барилдаанд" оролцож буй 32 багийн оноолтыг цувралаар танилцуулж байна. 

Аравдугаар сарын 6-ны өдөр Говьсүмбэр аймгийн эсрэг Өмнөговь аймгийн баг өрсөлдөнө.

Оноолт-7

Говь-Сүмбэр аймгийн баг

1. Аймгийн арслан Т.Пүрэвсүрэн

2. Аймгийн арслан М.Адъяахүү

3. Аймгийн арслан Б.Гончигтавхай

4. Аймгийн арслан Б.Үүрцайх

5. Аймгийн харцага А.Доржпалам

6. Аймгийн начин Б.Бадрангуй

Өмнөговь аймгийн баг

1. Улсын начин Ш.Дарханбат

2. Улсын начин Б.Мижидсүрэн

3. Аймгийн арслан Ц.Лувсан-Адъяа

4. Аймгийн заан Ц.Анхбаяр

5. Аймгийн заан Б.Баянсүх

6. Аймгийн заан Т.Төгсдөлгөөн

Тус тэмцээнийг Монголын Үндэсний бөхийн холбоо, SPS телевиз хамтран зохион байгуулж буй юм. Энэхүү тэмцээнд 21 аймаг, есөн дүүргийн шилдэг бөхчүүд баг болон өрсөлдөж, алтан цомын эзэн болно. Тухайлбал, алтан цомын төлөөх багийн барилдаанд аймаг тус бүрийн шилдэг зургаан бөхөөс бүрдсэн 32 баг оролцох юм. Урьдчилсан хоёр шатанд 32 баг сугалаагаар оноолт таарч, хоорондоо өрсөлдөнө.

Урьдчилсан шатыг давж гарсан шилдэг найман баг тойргийн журмаар өрсөлдөж, алтан цомын эзэн болох юм. Алтан цомын эзэн болсон баг 200 сая төгрөгийн эзэн болох талаар Монголын Үндэсний бөхийн холбоо мэдээлсэн билээ.

Д.Батчулуун