АНУ-ын Кино урлагийн академийн шилдгийн шилдгийг шалгаруулдаг “Academy Awards” буюу 93 дахь Оскарын наадмын шагнал гардуулах ёслол өнөөдөр боллоо. Энэ удаад БНХАУ-ын найруулагч Хлое Зао “Nomadland” бүтээлээрээ Академийн шагнал хүртсэнээр ази найруулагчид хоёр дахь жилдээ дараалан Оскарын наадмын шагналыг хүртэж буй нь энэ юм.
БНСУ-ын найруулагч Бон Жон Ху өнгөрөгч онд “Parasite” бүтээлээрээ уг шагналыг хүртэж байсан бол энэ удаад Оскарын наадмын гол шагнал болох шилдэг кино шагналыг “Nomadland” бүтээл хүртлээ.
Ингэснээр “Parasite”-ийн араас мөн хоёр дахь жилдээ Азийн уран бүтээл Оскарын гол шагналыг хүртлээ. Уг киног найруулсан Клое Зао мөн шилдэг найруулагчийн шагналыг хүртээд буй юм. Мөн Фрэнсис МакДорманд тус кинонд бүтээсэн дүрээрээ шилдэг гол дүрийн шагналыг гардан авлаа.
Харин шилдэг эрэгтэй гол дүрийн шагналыг "The Father" киногоороо жүжигчин Энтони Хопкинс хүртэж байна. Ингэснээр шилдэг гол дүрийн шагналыг хамгийн өндөр насандаа авч буй уран бүтээлч боллоо.
